A S F A L T

Kommunan hevur aftur í ár heitt á Landsverk um at leggja asfalt á nakrar vegir í bygdini, nær hetta arbeiðið verður gjørt er ikki greitt, helst verður tað ikki fyrr enn aftaná at Landsverk hevur havt summarferiu.

Tað hevur verið soleiðis, at fólk hava fingið lagt asfalt á túnið inni á hjá sær sjálvum eina fer uttan gjald, og nú metir kommunan, at øll hava fingið hetta gjørt.

Onkur borgari hevur spurt kommununa, um tað er møguligt at fáa lagt asfalt á privatan veg í summar, sum tey so sjálvi vilja gjalda fyri, um kommunan annars fer at asfaltera nakað.

Vit hava tí viðgjørt spurningin og hava viðtikið, at um fólk vilja hava lagt asfalt á privatan veg, so skulu tey fáa høvi til tað. Kostnaðurin verður:  

kr. 150,00 + MVG ella tilsamans kr. 187,50 pr. m2  

tá skal vegurin ella túnið verða slætt, so teir kunnu leggja 4 cm tjúkt lag á uttan fyrst at skulu fylla upp ella javna út. Eisini verður roknað við, at asfaltbilurin sleppur til, so ikki er neyðugt at koyra við trillubøru. Er nakað eyka arbeiði, so verður kostnaðurin eisini meira.  

Um nakar ætlar at fáa lagt asfalt á í summar, so má kommunan fáa boð um hetta í seinasta lagi tann 4. juli, so vit kunnu fáa Landsverk at máta økið upp, og vit kunnu skriva rokning, so goldið kann verða áðrenn arbeiðið verður gjørt.  

Vinarliga  

Porkeris kommuna  

Porkeris Kommuna

við Á 8

Fo-950 Porkeri

Tlf:  37 36 03    Fax: 37 46 03

E-mail:  porkeri@porkeri.fo

 

23. juni 2008