Enn eitt ár er nú runnið, og við ársenda verður mangan eftirmett, hvussu árið royndist á ymiskan hátt. 

Tá feløg, landskassi og kommunur gera upp, hvussu árið hylnaðist, hevur roknskapurin týdning. 

Fyri hvønn einstakan okkara hevur árið, ið farið er, havt ávirkan. Meðan nøkur hava kent sorg av at hava mist onkran av sínum, so hava onnur gleðst um, at tey eru vorðin fleiri. 

Hvat nýggja árið kemur at geva, er okkum ókent. Broytingar henda alla tíðina. Alt bendir á, at hetta bygdarráðið, íð nú hevur tikið við, verður tað síðsta ì Porkeris kommunu, nú greiðar ætlanir eru um samanlegging. 

Tað er ynski og vón okkara, ið vald eru í bygdarráðið, at tað arbeiðið, vit gera, er til gagns og gleði fyri fólkið, ið her býr. 

Vegna Porkeris Bygdarráð fari eg at ynskja øllum eitt av Harranum vælsignað nýggjár.

 

 Mikkjal Sørensen, borgarstjóri