Porkeris Kommuna

við Á 8

Fo-950 Porkeri

Tlf:  37 36 03    Fax: 37 46 03

E-mail:  porkeri@porkeri.fo

 

Samtyktir gjørdar á bygdarráðsfundi ónsdagin 20. jan. 2010.
 

1. Viðtøkurnar hjá ”Felagnum við Á” vóru gjøgnumgingnar av  bygdarráðnum. Spurningur varð settur við, hvør skal møta til nevndarval, hvør skal fráboða nevndarval, og nær skal nevndarval verða. Eisini varð tosað um, hvørjar treytirnar eru fyri ein sjálvsognarstovn, og ynsktu bygdarráðslimir at fáa greiðu á hesum spurningi.
   Semja varð um, at tá hesir spurningar eru kannaðir, verður vent aftur til reglugerðina á øðrum fundi.
   Samtykt varð at arbeiða víðari við at lata ognina frá Kommununi til ein sjálvsognarstovn.

2. Samtykt varð at játta upp til 30.000,00 kr. til keyp av borðum og stólum til spælistovuna.

3. Samtykt varð at stuðla verkætlanina til standmynd av Mikkjali á Ryggi við 5.000,00 kr.

4. Samtykt varð at vísa til, at Kommunan hevur gjørt eina skitsuætlan yvir økið til parkeringspláss á matr. nr. 113, men eingir pengar eru avsettir til endamálið á fígjarætlanini fyri árið 2010.

5. Samtykt varð, at borgarstjórin og skrivarin í felag gera eitt hoyringsskriv til uppskotið frá Mentamálaráðnum um broytingar í fólkaskúlalógini, sum síðan verður fyrilagt bygdarráðnum á komandi fundi.

6. Setan av vaskifólki til skúlan varð fyribils útsett.

 

Porkeris Bygdarráð