Fyribyrgjandi- og viðlíkahaldsvenjing
Á Hamragarði er fyribyrgjandi- og viðlíkahaldsvenjing. Tilboðið er til allar borgarar í Suðuroy, ið eru eldri enn 65 ár.
Endamálið við venjingini er at tryggja at borgarin livir eitt aktivt lív og upplivir øktan tryggleika, førleika, yvirskot og orku til gerandisdagin.
Vant verður fyri tað mesta við maskinum.
Venjingin er rættað ímóti øllum kroppinum, og umfatar bæði styrki og konditión – við vegleiðing frá fysioterapeuti.
Krav fyri luttøku er at luttakarin:
- Er eldri enn 65 ár
- Kann ganga sikkur innandura við ella uttan hjálpitól
- Klárar at ganga min. 1 km. við ella uttan hjálpitól
- Klárar trappur uttan hjálp
- Klárar at halda balansuna fríttstandandi
- Klárar at koma frá liggjandi til at standa sjálvur
- Skilur munnligar og visuellar leiðbeiningar
Møguleiki er fyri einum práti, frukt og drekka saman við húsfólkinum á Hamragarði eftir venjingina.
Kostnaður er 20 kr. hvørja ferð.
Áhugaði kunna ringja á tlf. 79 35 04 ella á tlf 79 35 03 millum kl.09.00 -15.00 og hoyra nærri.